वेष्ट इन्डिजविरुद्ध नेपालको जित

काठमाडौँ । नेपाली राष्ट्रिय क्रिकेट टोलीले टी-ट्वान्टी अन्तर्राष्ट्रिय सिरिजको दोस्रो खेलमा वेस्ट इन्डिजमाथि ऐतिहासिक सिरिज कब्जा गरेको छ ।

नेपालले सोमबार राती भएको खेलमा वेस्ट इन्डिजलाई ९० रनले हराउँदै सिरिज कब्जा गरेकाे हो ।

शारजाह क्रिकेट मैदानमा नेपालले दिएको १७४ रनको लक्ष्य पछ्याएको वेस्ट इन्डिजले १७ ओभर १ बलमा सम्पूर्ण विकेट गुमाउँदै मात्र ८३ रन बनायो ।

यसअघि टस जितेर पहिले ब्याटिङ गरेको नेपालले निर्धारित २० ओभरमा ४ विकेट गुमाउँदै १७३ रन बनाएको थियो ।

नेपालका लागि आसिफ शेख र सन्दीप जोराले अर्धशतकिय पारी खेले । ४७ बल खेलेका आसिफले ८ चौका र ४ छक्का प्रहार गर्दै ६८ रन बनाए । त्यस्तै ३९ बल खेलेका जोराले ३ चौका र १ चक्का प्रहार गरे ।

वेस्ट इन्डिजका लागि अकेल हुसेन र केलि मायर्सले दुई दुई विकेट लिए ।