बंगलादेशमा २०२५ मा डेंगु ज्वरोबाट मृत्यु हुनेको संख्या २१५ पुग्यो

बंगलादेश। गत सोमवार मात्र बंगलादेशमा डेंगु ज्वरोले तीन जनाको मृत्यु भएको छ । जसबाट कुल मृत्यु २ सय १५ पुगेको स्वास्थ्य सेवा महानिर्देशनालयले जनाएको छ ।

तथ्याङ्कअनुसार सोमवार मात्रै ७ सय ८२ बिरामी अस्पताल भर्ना भएका छन् । जसले गर्दा यस वर्ष हालसम्म लामखुट्टेबाट सर्ने रोगका कुल केसहरूको संख्या ५० हजार ६ सय ८९ पुगेको छ ।

डेंगुको थप फैलावटलाई रोक्नको लागि, बंगलादेशी स्वास्थ्य अधिकारीहरूले लामखुट्टेको प्रजनन जाँच गर्न र लार्भा विरोधी अपरेशनहरू सञ्चालन गर्न उपायहरू बलियो बनाएका छ ।

बंगलादेशले २०२३ मा १ हजार ७ सय ५ डेंगु–सम्बन्धित मृत्यु दर्ता गरेको छ । जुन उच्चतम वार्षिक मृत्यु संख्या हो । बंगलादेशमा सामान्यतया मनसुन–मौसमको रोग डेंगु ज्वरो हो । अब जुन–सेप्टेम्बर अवधि भन्दा बाहिर फैलिरहेको छ ।