आईसीसी टी २० विश्वकप एसिया र इस्ट एसिया प्यासिफिक संयुक्त छनोटमा नेपालको विजयी सुरुवात

काठमाडौं। नेपालले आईसीसी टी २० विश्वकप एसिया र इस्ट एसिया प्यासिफिक संयुक्त छनोटमा विजयी सुरुआत गरेको छ।

आफ्नो पहिलो खेलमा नेपालले कुवेतलाई ५८ रनले हराएको छ। पहिलो इनिङमा कमजोर सुरुआत गरेको भए पनि नेपालले कमब्याक गरेर १४१ रन बनाएको थियो। कुशल भुर्तेलले सर्वाधिक ६६ रन जोडेका छन्।

जवाफमा १४२ रनको लक्ष्य पछ्याएको कुवेत १८ ओभर १ बलमा ८३ रनमा समेटिएको हो।

नेपालका लागि कप्तान रोहित पौडेल, सन्दीप लामिछाने र ललित राजवंशीले समान दुईदुई विकेट लिएका छन्। आजको जितसँगै नेपालले समूहमा २ अंक जोडेको छ। छनोटमा आजै भएको खेलमा ओमान र युएईले पनि जित निकालेका थिए।

रोहित पौडेलको कप्तानका रुपमा यो ५० औं टी २० आई खेलसमेत हो।