विश्वकप छनोट : नेपालले यूएईलाई दियो १४१ रनको लक्ष्य

काठमाडौँ । आईसीसी टी–ट्वान्टी विश्वकप एसिया र इस्ट एसिया छनोटको सुपर सिक्सको आफ्नो पहिलो खेलमा नेपालले यूएईलाई १४१ रनको मध्यम लक्ष्य प्रस्तुत गरेको छ ।

अल इमिरेट्स क्रिकेट मैदानमा टस जितेर पहिले ब्याटिङ गरेको नेपालले निर्धारित २० ओभरमा ६ विकेट गुमाउँदै १४० रन बनायो ।

नेपालका लागि आसिफ शेखले ५१ रनको अर्धशतकीय पारी खेले । ४७ बल खेलेका उनले ४ चौका र १ छक्का प्रहार गरे ।

त्यस्तै कुशल भुर्तेलले २८ रन बनाउँदा रोहित कुमार पौडेलले २० रनको योगदान गरे । नेपालका गुलशन झाले १४ रन बनाउँदा रोहित कुमार पौडेलले १० रन बनाए ।

यूएईका लागि बलिङतर्फ जुनाइद सिद्धकी, मोहम्मद रोहिद, हाइदर अली, हर्सित कौसिक, जहिद अली र ध्रुब प्रशारले एक–एक विकेट लिए ।

नेपाल आजको खेलमा जित निकाल्दै प्रतियोगिताको सुपर सिक्समा चार अङ्क जोड्ने योजनामा हुनेछ ।