मधेशका मुख्यमन्त्रीद्वारा राजीनामा

काठमाडौं। मधेश प्रदेशका मुख्यमन्त्री सतिशकुमार सिंहको राजीनामा स्वीकृत भएको छ । प्रदेश प्रमुख सुमित्रा सुवेदी भण्डारीले मंगलबार उनको राजीनामा स्वीकृत गर्नुभएको हो।

उहाँको राजीनामा स्वीकृत भए पनि अर्को व्यवस्था नहुँदासम्म सिंह नै मुख्यमन्त्री रहनुुहुनेछ।

‘नेपालको संविधानको धारा १६९ उपधारा (३) बमोजिम अर्को व्यवस्था नभएसम्मका लागि मौजुदा मन्त्रिपरिषद्‌लाई प्रदेशको मन्त्रिपरिषद्‌को कार्यभार सञ्चालन गर्न तोकिएको ब्यहोरा जानकारीका लागि अनुरोध छ,’ प्रदेश प्रमुख कार्यालयको निमित्त सचिव शत्रुघन यादवद्वारा जारी विज्ञप्तिमा उल्लेख छ ।

विश्वासको मत लिनका लागि आह्वान गरिएको आजको प्रदेशसभा बैठकबाटै मुख्यमन्त्री सिंहले राजीनामा दिनुभएको छ।