पाकिस्तान र अफगानिस्तानबीच युद्धविराम लागू

पाकिस्तान र अफगानिस्तानले बुधवार दुई पक्षबीच युद्धविरामको घोषणा गर्न छुट्टाछुट्टै विज्ञप्ति जारी गरेका छन् । जुन लागू भएको छ । पाकिस्तानको विदेश कार्यालयले बुधवार भनेको छ कि अफगानिस्तान पक्षको अनुरोधमा, पाकिस्तान र अफगानिस्तान सीमा तनाव कम गर्न ४८ घण्टाको अस्थायी युद्धविराममा सहमत भएका हौँ ।

यस अवधिमा दुवै पक्षले रचनात्मक वार्तामार्फत यो जटिल तर समाधान गर्न सकिने मुद्दाको सकारात्मक समाधान खोज्न इमान्दार प्रयास गर्नेछन् । अफगान सरकारका प्रवक्ता जबिहुल्लाह मुजाहिदले सोही दिन सामाजिक सञ्जालमा घोषणा अफगानिस्तान र पाकिस्तानबीच युद्धविराम लागू गरिने घोषणा गर्नुभयो ।

मुजाहिदले पाकिस्तानी पक्षको अनुरोध र जोडमा दुई देशबीच बुधवारदेखि युद्धविराम लागू हुने बताउनु भयो । अफगान सरकारले आफ्ना सबै सेनालाई अर्को पक्षले कुनैपनि आक्रमण नगरेसम्म युद्धविराम पालना गर्न निर्देशन दिएको छ । दुई देशबीच सीमापार गोलीबारी भएको केही दिनपछि यो घोषणा आएको हो ।

सुरक्षा बलका स्रोतहरूकाअनुसार पाकिस्तानी सुरक्षा बलले मंगलवार बिहान अफगानिस्तानको कान्दाहार र काबुल प्रान्तका विभिन्न लक्ष्यहरूमा आक्रमण गरेको थियो ।