पदक जित्ने लक्ष्यसहित बंगलादेश यात्रामा लाग्दैछ नेपाली भलिबल टोली

काठमाडौँ। नेपाली राष्ट्रिय पुरुष भलिबल टोली सेन्ट्रल एशियन भलिबल संघ (काभा) पुरुष नेसन्स कपमा पदक जित्ने लक्ष्यसहित बंगलादेश यात्रामा छ ।

काभा नेसन्स कप खेल्दै नेपाली टोली करिव दुई वर्षपछि अन्तर्राष्ट्रिय प्रतियोगितामा फर्किदैछ । नेपालले आगामी अक्टोबर २२ देखि २८ सम्म बंगलादेशको ढाकामा हुने काभा पुरुष नेसन्स कप खेल्दै छ । सोही नेसन्स कपका लागि आईतवार भएको बिदाइ कार्यक्रममा नेपाली राष्ट्रिय टोलीका प्रशिक्षक भरत यादवले १७/१८ दिनको तयारीबाट सन्तुलित टोली बनेको र त्यहीअनुरूप राम्रो प्रदर्शन पनि गर्ने आशा व्यक्त गरेका छन् ।

प्रशिक्षक यादवले कम समयमा पनि जुनियर र सिनियर खेलाडीबाट राम्रो टिम कम्बिनेसन भएको बताए । रिसिभ, ब्लक र सर्भिसमा विशेष ध्यान दिएको प्रशिक्षक यादवले उल्लेख गरेका छन् ।