ओली अब कानुनमाथिका होइनन् : गृहमन्त्री

काठमाडौं । गृहमन्त्री ओमप्रकाश अर्यालले कानूनभन्दा माथि बस्ने छुट केपी ओलीलाई नभएको बताउनुभएको छ।

सोमबार सिंहदरबारमा जेनजी आन्दोलनका घाइतेसँगको छलफलपछि सञ्चारकर्मीसँग कुरा गर्दै उहाँले देशका हरेक नागरिकले कानून मान्नुपर्ने भन्दै कानूनभन्दा माथि बस्ने छुट ओलीलाई नभएको प्रष्ट्याउनुभएको छ । उपत्यका छाड्न नपाउने निर्देशन सरकारको नभइ छानबिन आयोगको भएको अर्यालको भनाइ थियो ।

‘केपी ओलीमात्र कानुनभन्दा माथि बस्ने पहिला त्यस्तो थियो, अब त्यस्तो हुँदैन’, उहाँले भन्नुभयो।