रोहित र विराटको अविजित पारीले दिलायो सफलता, शृंखला अस्ट्रेलियालाई

काठमाडौं। रोहित शर्मा र विराट कोहलीले दोस्रो विकेटका लागि १ सय ६८ रनको अविजित साझेदारी गरेपछि भारतले तेस्रो तथा अन्तिम ओडिआईमा अस्ट्रेलियालाई ९ विकेटले हराएको छ। अस्ट्रेलियाले २-१ ले ओडिआई सिरिज जितेको छ।

सिड्नी क्रिकेट ग्राउन्डमा २ सय ३७ रनको लक्ष्य पछ्याएको भारतले १ विकेटको क्षतिमा ३८.३ ओभरमा जित निकालेको थियो।

आज रोहितले शतक र कोहलीले अर्धशतक बनाए। कोहलीले विजयी रन प्रहार गरे । ८१ बल खेलेका उनले ७ चौकासहित ७४ रनमा जोडे । रोहित १ सय २५ बल खेल्दै १३ चौथो र ३ छक्कासहित १ सय २१ रनमा नटआउट रहे ।

रोहितले आफ्नो ३३औं ओडिआई शतक पूरा गरे । रोहित अन्तर्राष्ट्रिय क्रिकेटमा उनको ५०औं शतक पूरा भएको छ । जसमा १२ टेस्ट र ५ टि ट्वान्टी शतक सामेल छ।

कोहलीले ओडिआईमा आफ्नो ७५औं अर्धशतक पूरा गरे। ११औं ओभरमा अस्ट्रेलियाका जोश हेजलवुडले शुभमन गिल (२४ रन) लाई आउट गर्दै रोहितसँगको ६० रनको पहिलो विकेटको साझेदारी तोडेका थिए। तर त्यसपछि अस्ट्रेलियालाई रोहित र विराट कोहलीको जोडीको अनुभव र क्लासको सामना गर्नुपर्‍यो।

त्यसअघि टस जितेर पहिले ब्याटिङ गरेको अष्ट्रेलियाले ४६.४ ओभरमा सबै विकेट गुमाउँदै २ सय ३६ रन बनाएको थियो। घरेलु टोलीका म्याट रनसोले अर्थ शतक बनाए ।

भारतका हर्षित राणाले ४ र वासिङ्टन सुन्दरले २ विकेट लिए । रोहित प्लेयर अफ दि म्याच र प्लेयर अफ दि सिरिज चुनिए। अस्ट्रेलियाले पर्थमा भएको पहिलो ओडिआई ७ र एडिलेडमा दोस्रो खेल २ विकेटले जितेको थियो।

यी २ टोलीबीच ५ टि ट्वान्टी आई सिरिज हुनेछ।