वास्तविक महिला उद्यमीलाई सरकारले सहयोग गरेको छैन : अन्जु सुवेदी

काठमाडौँ। महिला उद्यमी एवं व्यवसायी अन्जु सुवेदीले नेपालमा महिला उद्यमीहरूको अवस्थाबारे गम्भीर प्रश्न उठाउँदै सरकारको नीति र व्यवहारिक असमानतामाथि तीव्र आलोचना गर्नुभएको छ।

मिडिया इन्टरनेसनल नेपालद्वारा आयोजित वर्तमान अवस्थाः आर्थिक एवम् वित्तीय चुनौती विषयक अन्तरक्रियामा उहाँले महिलाको क्षमता, परिश्रम र सिर्जनशीलतालाई सरकारले कहिल्यै गम्भीरतापूर्वक नलिएको कारण आज पनि महिला उद्यमीहरू छायामा पारिएका बताउनुभयो।

सुवेदीले भन्नुभयो,‘कुनै पनि महिलालाई सरकारले वास्तविक रूपमा सहयोग गरेको छैन।’ उहाँले सरकारको महिलामैत्री नारा व्यवहारमा मात्र सीमित रहेको र ग्रामीण क्षेत्रदेखि शहरी बजारसम्म महिलाले उत्पादित वस्तु बजारमा पुर्‍याउन संघर्ष गर्नुपरेको बताउनुभयो।