मुस्ताङमा लेक लागेर तीर्थालुको मृत्यु

मुस्ताङ। मुस्ताङमा लेक लाग्दा एक जना तीर्थालुको मृत्यु भएको छ। मृतक ४५ वर्षीय माधव तिमिल्सिना ललितपुर उपमहानगरपालिका–१८ भैँसेपाटीस्थित निर्मल स्कुलका कार्यालय सहयोगी हुन्।

जिल्ला प्रहरी कार्यालयका प्रहरी नायब उपरीक्षक छिरिङ किप्पा लामाका अनुसार तिमिल्सिना मुक्तिनाथ दर्शन गरी घरपझोङ गाउँपालिका–२, मार्फा पुग्दा अचानक बेहोस भएका थिए।

उनलाई तत्कालै जोमसोमस्थित प्रदेश अस्पतालमा भर्ना गरिएको थियो। तर आज अस्पतालमा उनको मृत्यु भएको छ।