नेपालसँग भारत स्तब्ध

काठमाडौं । भारतमा जारी ट्राईनेसन्स महिला अन्तर्राष्ट्रिय मैत्रीपूर्ण फुटबलमा नेपालले घरेलु टोलीलाई पराजित गरेको छ ।

भारतको शिलोङस्थित जवाहरलाल नेहरु स्टेडियममा भएको खेलमा नेपालले घरेलु टोलीमाथि २-१ गोल अन्तरले जित निकालेको हो ।

नेपालको जितमा कप्तान सावित्रा भण्डारी साम्बाले दुई गोल गरिन् । साम्बाले खेलको दोस्रो र ६३औ मिनेटमा गोल गरिन् । खेलको ८१औं मिनेटमा भारतले एक गोल फर्कायो । त्रिकोणात्मक शृंखलामा इरान, भारत र नेपाल सहभागिता थियो।

भारत र नेपाल दुवैमाथि जित निकालेको इरान यसअघि नै च्याम्पियन बनेको छ। दोस्रो प्रतिस्पर्धामा उत्रिएका भारत र नेपालबीच आज नेपाल विजयी बनेको छ।