कोरियाको बुसानमा ‘नेपाल ग्रान्ड फेस्टिभल सम्पन्न

कोरिया। नेपाली समुदायले पहिलो पटक आयोजना गरेको  नेपाल ग्रान्ड फेस्टिभल सफलतापूर्वक सम्पन्न भएको छ।

कोरियाको बुसानमा बसोबास गर्ने नेपालीले टोंगम्योनग विश्वविद्यालयमा आयोजित गरेको फेस्टिबलमा नेपाली संस्कृति, परम्परागत खाना, खेलकुद र विद्यार्थीहरूको सांस्कृतिक कार्यक्रममार्फत प्रस्तुत गरिएको थियो।

नेपालेली कम्युनिटी इन बुसान (NCB) र सन्सिकको सहकार्यमा सम्पन्न यो महोत्सवमा बुसानमा अध्ययनरत र काम गर्ने विद्यार्थी तथा स्थानीय समुदायको उल्लेखनीय सहभागिता रहेको थियो।

फेस्टिभलमार्फत बुसानमा बसोबास गर्ने नेपालीको सहयोग, सांस्कृतिक आदानप्रदान र समुदायमा आपसी सम्बन्ध मजबुत पार्ने एनबीसीले प्रतिबद्धता देखाएको छ।

‘आज बुसान यहाँ अध्ययनरत र काम गरिरहेका हजारौं नेपालीको लागि घरजस्तो भयो,’  एनबीसीका अध्यक्ष अशोक आचार्यले भन्नुभयो, ‘खाना, खेलकुद र मित्रतामार्फत हाम्रो संस्कृति साझा गर्नु र समुदायलाई अझ सुदृढ बनाउन यो फेस्टिबल महत्वपूर्ण छ।‘

टोंगम्योनग विश्वविद्यालयले पनि यस महोत्सवलाई अन्तर्राष्ट्रिय वातावरण प्रबर्द्धन गर्ने अवसरका रूपमा स्वागत गरेको थियो। “नेपाल ग्रान्ड फेस्टिभल जस्ता कार्यक्रमहरूले क्याम्पस जीवन समृद्ध बनाउँछन् र बुसानको बहुसांस्कृतिक वातावरण मजबुत पार्छन्,” विश्वविद्यालयका अन्तर्राष्ट्रिय मामिला प्रमुख आन यो हानले बताउनुभयो।

महत्वपूर्ण अतिथिहरूमा विश्वविद्यालयका डीन, बुसान इमिग्रेशन निर्देशक, बुसान ग्लोबल सिटी फाउन्डेसनका डेप्युटी जनरल, बुसान प्रहरी प्रतिनिधि र डागाची तथा वून कफीका सिइयोहरू सहभागी थिए। यसले स्थानीय निकाय र नेपाली समुदायबीचको सहकार्यको वृद्धि दर्शाएको छ।

उत्सव अवधिभर सहभागीहरूले प्रामाणिक नेपाली खाना, परम्परागत खेलकुद र विद्यार्थीहरूको सांस्कृतिक प्रस्तुतिहरूको मजा लिएका थिए। यसले अन्तर्राष्ट्रिय विद्यार्थी, स्थानीय साझेदार र नागरिक नेतृत्वबीच आपसी समझ र सहयोगलाई प्रोत्साहित गर्‍यो।

सन्सिकका अध्यक्ष किरण सिवालले भन्नुभयो, ‘एनबीसी सँगको साझेदारीमा सन्सिक गर्व महसुस गर्दछ। यस फेस्टिभलले देखाउँछ कि सहकार्यले शहरभरिका विविधतापूर्ण उत्सवमा परिणत गर्न सक्छ।‘

नेपाल ग्रान्ड फेस्टिभलको समापनमा विश्वविद्यालय, स्थानीय साझेदार र स्वयंसेवकहरूलाई धन्यवाद ज्ञापन गरिएको थियो जसको सहयोगले यो महोत्सव सम्भव भएको हो।