बञ्चरेडाँडा जान थाले फोहोर बोकेका गाडी

काठमाडौँ। स्थानीयको अवरोधका कारण विगत चार दिनदेखि बञ्चरेडाँडा ल्याण्डफिल साइटमा जान नसकेका फोहोर बोकेका गाडी सहमति जुटेसँगै जान थालेका छन् । शहरी विकासमन्त्री कुलमान घिसिङले आज बञ्चरेडाँडा ल्याण्डफिल साइटमा पुगी स्थानीयसँग यसअघि भएका सम्झौता कार्यान्वयन गर्ने प्रतिबद्धता गरेसँगै फोहोरका गाडी जान शुरू गरेका मन्त्री घिसिङको सचिवालयले जनाएको छ ।

स्थानीय सरकारले पटकपटक गरेका सहमति कार्यान्वयन नगरेको भन्दै दबाब दिने उद्देश्यले फोहर फाल्न अवरोध गरेका थिए । चार दिनसम्म फोहोर फाल्न अवरोध हुँदा काठमाडौंका अधिकांश घर गल्लीमा फोहोरको थुप्रो लागेको छ ।