मधेश सरकारबाट बाहिरिन राप्रपा मन्त्रीलाई लिङ्देनको निर्देशन

काठमाडौँ। मधेस प्रदेश सरकारमा राष्ट्रिय प्रजातन्त्र पार्टी पनि सहभागी भएको छ।

नेकपा एमाले संसदीय दल नेता सरोजकुमार यादवको नेतृत्वमा बनेको सरकारमा राप्रपाबाट कञ्चन विच्छा मन्त्री बन्नुभएको छ।

तर मधेस सरकारमा पार्टीका सांसदको सहभागिताप्रति राप्रपा अध्यक्ष राजेन्द्र लिङ्देनले गम्भीर ध्यानाकर्षण भएको बताएउनुभएको छ।

‘मधेस प्रदेश सरकारमा राप्रपाको सहभागिताप्रति हाम्रो गम्भीर ध्यानाकर्षण भएको छ,’ उहाँले सामाजिक सञ्जाल फेसबुकमा सोमबार बिहान लेख्नुभएको छ, ‘यो अनुशासनको गम्भीर उल्लंघन हो।’

उहाँले राप्रपाबाट मन्त्री भएकी सांसदलाई तत्काल सरकारबाट फिर्ता हुन निर्देशन दिनुभएको छ। ‘अन्यथा विधानबमोजिम कारबाही हुने जानकारी गराउँछु,’ लिङ्देनले भनेका छन्।