विराटनगर किंग्सले अनुबन्धन गर्यो अफगानिस्तानका पुराना गुल्बादिन

काठमाडौँ । नेपाल प्रिमियर लिग (एनपीएल) को दोस्रो सिजनका लागि लुम्बिनी लायन्सले अफगानिस्तानका अलराउण्डर गुल्बादिन नैबलाई अनुबन्ध गरेको छ ।

लुम्बिनी लायन्सले यसपटक तेस्रो विदेशी खेलाडीका रूपमा ३४ वर्षीय गुल्बादिन नैबलाई अनुबन्ध गरेको हो । अफगानिस्तानका पूर्व कप्तानसमेत रहेका नैबले सन् २०१९ को एकदिवसीय विश्वकपमा अफगानिस्तानको नेतृत्व गरेका थिए ।

दायाँ हाते ब्याटर र दायाँ हाते मिडियम पेस बलरका रूपमा परिचित नैबले ८९ एकदिवसीय अन्तर्राष्ट्रिय र ७८ टी–२० अन्तर्राष्ट्रिय खेल खेलेका छन् ।

उनले टी–२० अन्तर्राष्ट्रियमा ३ अर्धशतकसहित ९६८ रन बनाएका छन् भने बलिङमा एकदिवसीय अन्तर्राष्ट्रियमा ७४ र टी–२० अन्तर्राष्ट्रियमा ३५ विकेट लिएका छन् ।

उनले इन्डियन प्रिमियर लिग (आईपीएल), बङ्गलादेश प्रिमियर लिग, इन्टरनेशनल लिग टी–२० र अफगानिस्तान प्रिमियर लिग जस्ता विश्वभरका विभिन्न लिगहरूमा पनि अनुभव बटुलेका छन् ।

सन् २०२४ को आईपीएलमा उनले दिल्ली क्यापिटल्सका लागि २ खेल खेलेका थिए ।