इण्डोनेसियाको बालीमा सवारी दुर्घटनामा ५ चिनियाँ नागरिकको मृत्यु

इण्डोनेसियाको उत्तरी बालीको बुलेलेङ रिजेन्सीमा शुक्रवार सवारी दुर्घटनामा पाँच चिनियाँ नागरिकको मृत्यु भएको छ । साथै आठ जना घाइते भएको डेनपासारस्थित चिनियाँ महावाणिज्य दूतावासले जनाएको छ ।

स्थानीय प्रहरीकाअनुसार गिटगिट गाउँ नजिकै डेनपासार–सिंगाराजा सडकमा एउटा मिनीबस रूखमा ठोक्किएर भिरालोबाट खसेको थियो । इण्डोनेसियाली रेडक्रसका अधिकारीहरू, प्रहरी र स्थानीय बासिन्दाहरूले घाइते यात्रुहरूलाई उद्धार गरेर नजिकैको अस्पतालमा पु¥याएका थिए ।

प्रहरीले गाडीमा १४ जना सवार रहेको बताएको छ । चालक इन्डोनेसियाली नागरिक थिए भने सबै १३ यात्रु चिनियाँ नागरिक थिए ।