महाधिवेशनबारे गगन : यसपटक हामी न झुक्छौं, न झुकिन्छौं

काठमाडौं। नेपाली कांग्रेसका महामन्त्री गगन थापाले पार्टी रूपान्तरणका लागि आफू र अर्का महामन्त्री विश्वप्रकाश शर्माले अडान राख्दै आएको बताउनुभयो ।

मंगलबार दिउँसो उहाले सामाजिक सञ्जालमार्फत भिडियो मार्फत स्पष्ट संदेश दिँदै यसपटक कसैसँग नझुक्ने पनि बताउनुभयो ।
‘अहिले भित्र बहस भइरहेको कुरा अधिवेशन चुनाव अगाडि कि पछाडी भन्ने होइन, पार्टी रूपान्तरण गर्ने कि नगर्ने भन्ने कुरा हो,’ थापाले भन्नुभयो , ‘गलत निर्णय हुन दिँदैनौं, यसपटक हामी न झुक्छौं, न झुकिन्छौं।´

उहाँले चुनावअघि महाधिवेशन गर्ने कि पछि भन्ने बहसभन्दा पनि पार्टी रूपान्तरण गर्ने कि नगर्ने भन्ने विषयमा अहिले बहस भइरहेको बताउनुभयो । उहाको अनुसार काँग्रेस भित्रको बहस अहिले अधिवेसनको मितिलाई लिएर मात्र नभएर पार्टी सुधारको दिशाबारे स्पस्ट रहन तथा सुधारिएको पार्टी संरचना निर्माण गर्नको लागि पनि रहेको बताउनुभयो।

असोज २८ गतेदेखि केन्द्रीय समिति बैठक सुरू भए पनि अहिलेसम्म निष्कर्षमा पुगिएको छैन। अब मंसिर ४ गते फेरि बैठक बस्नेछ।