पाकिस्तानको पञ्जावमा रासायनिक कारखानाको बोइलर विस्फोट हुँदा १२ जनाको मृत्यु

पाकिस्तानको पूर्वी पञ्जाव प्रान्तको एक आवासीय इलाकामा रहेको रासायनिक कारखानामा शुक्रवार बिहान बायलर विस्फोट हुँदा १२ जनाको मृत्यु भएको छ । भने दर्जनौं घाइते भएका छन् ।

औद्योगिक शहर फैसलाबादमा विस्फोट भएको थियो । जसबाट ठूलो आगो लागेको र द्रुत गतिमा फैलिएको थियो । विस्फोटको प्रभावले छेउछाउका धेरै घरहरूको भित्ता र छाना भत्किएको छ र मृत्यु हुने र घाइते हुनेहरूमध्ये धेरैजसो घरका बासिन्दा छन् ।

कारखानाभित्र धेरै मानिसहरू फसेको अनुमान गरिएकोले मृतकको संख्या बढ्ने अनुमान गरिएको छ ।