विराटनगरलाई काठमाडौंको मध्यम लक्ष्य

काठमाडौं । शीर्षक्रमका ब्याटर धरासायी बनेपछि मध्यक्रमका ब्याटर मोहम्मद आदिल आलमले अन्तिम ओभरतिर आक्रमक ब्याटिङ गर्दा नेपाल प्रिमियर लिग (एनपीएल)मा विराटनगर किंग्ससामू काठमाडौं गोर्खाजले १३६ रनको मध्यम लक्ष्य प्रस्तुत गर्न सफल भएको छ ।

प्रतियोगिताको छैटौं दिन र्कीतिपुरस्थित त्रिवि क्रिकेट रंगशालामा टस हारेर ब्याटिङको निम्तो पाएको काठमाडौंले २० ओभरको समाप्तिमा ६ विकेट गुमाउँदै मात्र १३५ रन बनाउन सक्यो ।

काठमाडौंका लागि आलमले २५ बलमा चार चौका र दुई छक्कासहित ४८ रनको अविजित पारी खेले । त्यस्तै स्कोरबोर्डमा एक रन पनि जोड्न नपाउँदै ओपनर आकाश त्रिपाठीलाई गुमाएको काठमाडौंका लागि अर्का ओपनर बेन चाल्र्सवर्थले ३२ रनको योगदान गरे ।