देशलाई कमजोर पार्ने खेलहरू चलिरहेका छन् : प्रचण्ड

काठमाडौँ । नेपाली कम्युनिस्ट पार्टीका संयोजक पुष्पकमल दाहाल प्रचण्डले देशलाई कमजोर पार्ने खेलहरू चलिरहेको बताउनुभयो ।

शनिबार नेपाली कम्युनिस्ट पार्टीको कार्यालय पेरिस डाँडामा आयोजित जेनजीसँग नेकपा विषयक अन्तरसम्वाद कार्यक्रममा प्रचण्डले राष्ट्रिय स्वाधीनता, भौगोलिक अखण्डता, सार्वभौमिकतालाई कमजोर पार्ने खेलहरू चलिरहेको भन्दै राष्ट्र पहिलो भने भावनाका साथ सबै पुस्ताका नेपालीहरू एकजुट भएर राष्ट्र बनाउने कुरामा उच्च प्राथमिकता दिन जरुरी रहेको बताउनुभयो।

जेनजीका विचार, एजेन्डा र शक्तिलाई एकसाथ अघि बढाएर नेपाली र नेपाललाई विजय गराउनुपर्ने उहाँले बताउनुभयो। त्यस्तै प्रचण्डले युवाहरूलाई वैचारिक, राजनीतिक, भावनात्मक रूपमा नयाँ नेपालको नयाँ नेतृत्वका रूपमा तयार पार्ने र आउने चुनावमा धेरै भन्दा धेरै युवाहरूलाई अवसर दिने बताउनुभयो।