बढ्यो नेप्से

काठमाडौँ । नेपाल स्टक एक्सचेन्ज (नेप्से) परिसूचक साताको दोस्रो कारोबार सोमबार ५०.४४ अंकले बढेर बन्द भएको छ । उक्त अंकको वृद्धि हुँदा २६५०.६६ विन्दुमा बन्द भएको छ ।

आज कारोबार रकम पनि बढेको छ । ७ अर्ब ३ करोड ५४ लाख रुपैयाँको सेयर किनबेच भएको छ । आइतबार (हिजो) ६ अर्ब २८ करोड ७३ लाख रुपैयाँको सेयर खरिद/बिक्री भएको थियो ।

२१५ कम्पनीको सेयर मूल्य बढेको छ । ३७ कम्पनीको सेयर मूल्य घटेको छ । ६ कम्पनीको सेयर मूल्य स्थिर रहेको छ ।  आज झापा इनर्जीको सेयर सकारात्मक सर्किट लागेको छ । यसको सेयर मूल्य १० प्रतिशतले बढेको छ । यस्तै आज नेपाल लाइफ इन्स्योरेन्स कम्पनीको सर्वाधिक मूल्यको सेयर कारोबार भएको छ ।