निर्वाचन आयोगमा दर्ता भए ६४ दल

काठमाडौँ। आगामी २१ फागुनका लागि तय भएको प्रतिनिधिसभा सदस्य निर्वाचनका लागि हालसम्म कुल ६४ राजनीतिक दल दर्ता भएका छन् । निर्वाचन आयोगका अनुसार सोमबार ८ राजनीतिक दल दर्ता भएका हुन्।

आइतबारसम्म ५६ राजनीतिक दल दर्ता भएकामा सोमबार थपिएका ८ सहित ६४ राजनीतिक दल पुगेको आयोगले जनाएको छ । आयोगले यही १० मंसिरसम्म प्रतिनिधिसभा निर्वाचनमा भाग लिन चाहने राजनीतिक दललाई दर्ताका लागि समयसीमा निर्धारण गरेको छ ।

आयोगका अनुसार यही १ मंसिरमा १२, २ मंसिरमा ५, ३ मंसिरमा ८, ४ मंसिरमा ८, ५ मंसिरमा ७, ७ मंसिरमा १६ राजनीतिक दल दर्ता भएका थिए । सोमबार नागरिक शक्ति नेपाल, नागरिक उन्मुक्ति पार्टी, मितेरी पार्टी नेपाल, प्रगतिशील समाजवादी पार्टी, नेपाल कम्युनिस्ट पार्टी ९माओवादी०, तराई–मधेस लोकतान्त्रिक पार्टी, राष्ट्रिय समुन्नति पार्टी, जनादेश पार्टी, नेपाल दर्ता भएका थिए ।

आयोगमा कुल १३५ राजनीतिक दल दर्ता भएकामा निर्वाचन प्रयोजनका लागि बुधबारसम्म पुनःआवेदन दिइसक्नुपर्ने आयोगले जनाएको छ ।