निरजकुमारको शतकमा नेपालले एसीसी यु-१९ प्रिमियर कपमा विजयी सुरुवात

काठमाडौं। निरजकुमार यादवको शतकमा नेपालले एसीसी यु-१९ प्रिमियर कपमा विजयी सुरुवात गरेको छ । नेपालले साउदी अरेबियाविरुद्ध आठ विकेटको सहज जित निकाल्यो ।

यूएईको अज्मनस्थित कारवान क्रिकेट मैदानमा साउदीले प्रस्तुत गरेको २१९ रनको लक्ष्य नेपालले ३४.४ ओभरमा दुई विकेट गुमाउँदै पूरा गर्‍यो ।

नेपालका लागि निरजले ९० बलमा १३ चौका र एक छक्काको मद्दतले सर्वाधिक ११४ रनको योगदान गरे । यसैगरी निश्चल क्षेत्रीले ७३ बलमा पाँच चौका र एक छक्कासहित अविजित ६६ र वंश क्षेत्रीले ३३ रन बनाए ।

निरजले तेस्रो विकेटका लागि निश्चलसँग १५५ तथा पहिलो विकेटका लागि वंशसँग ६३ रनको साझेदारी गरेका थिए । साउदीका लागि हाशिर अहमद सज्जाद र मोहम्मद जुबेर सुनसराले एक एक विकेट लिए । त्यसअघि टस हारेर ब्याटिङको निम्तो पाएको साउदीले निर्धारित ५० ओभरमा ९ विकेट गुमाउँदै २१८ रनको योगफल तयार पारेको थियो ।

साउदीका लागि मोहम्मद जुबेर सुनसराले ४८, मोहम्मद रेहान सिद्दीकीले ४१, ओमैर अहमद वहाबले ३९, माज्दीले २५, कप्तान रायन खानले १७ र हाशिर अहमद सज्जादले १६ रन बनाए।

नेपालका लागि अशोक धामीले दुई तथा दयानन्द मण्डल, सुशीलबहादुर रावल, दर्श सोनार र कप्तन सिब्रिन श्रेष्ठले एक एक विकेट लिए ।