टी २० विश्वकपमा नेपाल समूह `सी´मा, पहिलो खेल इंग्ल्यान्डसँग [तालिकासहित]

काठमाडौं। अन्तर्राष्ट्रिय क्रिकेट काउन्सिल (आईसीसी)ले पुरुष टी–२० विश्वकपको १०औँ संस्करणको खेल तालिका सार्वजनिक गरेको छ । प्रतियोगितामा सहभागी २० टोलीलाई चार समूहमा विभाजन गर्दै खेल तालिका सार्वजनिक गरिएको हो ।

नेपाल प्रतियोगिताको समूह ‘सी’ मा परेको छ । उक्त समूहमा बलियो टेस्ट राष्ट्र इङ्ल्यान्ड, वेस्ट इन्डिज र बंगलादेश परेका छन् । यसका अतिरिक्त इटाली पनि नेपालकै समूहमा छ ।

नेपालको पहिलो खेल फेब्रुअरी ८ मा इङ्ल्यान्डसँग हुनेछ । प्रतियोगिता भने फेब्रुअरी ७ देखि भारत र श्रीलंकामा हुनेछ ।