काँकडभिट्टाबाट एक अर्ब ३७ करोड ३० लाख ७७ हजार रुपैयाँको चियाको निर्यात

झापा : पूर्वी नाका काँकडभिट्टाबाट चालु आर्थिक वर्षको पहिलो चौमासिकमा एक अर्ब ३७ करोड ३० लाख ७७ हजार रुपैयाँको चियाको निर्यात भएको छ ।

मेची भन्सार कार्यालयका सूचना अधिकारी ईश्वरकुमार हुमागाईँका अनुसार समीक्षा अवधिमा ४६ लाख ८८ हजार ९३२ किलोग्राम चिया भारततर्फ निर्यात भयो । गत आर्थिक वर्षको सोही अवधिको तुलनामा यो ३७ प्रतिशतले कम छ ।

गत आवको उक्त अवधिमा दुई अर्ब २० करोड ४८ लाख ४० हजार रुपैयाँको चिया निर्यात भएको थियो । यो चालु आर्थिक वर्षमा ८३ करोड १७ लाख ६२ हजारले कम निर्यात भएको हो।