हसिनाविरुद्ध १६ वर्षअघिको बिद्रोह र हत्यासँग सम्बन्धि मुद्दा

बंगलादेश। पूर्व प्रधानमन्त्री शेख हसिनाविरुद्ध बंगलादेशमा नयाँ फाइल खोलिएको छ। यसअघि मृत्यु दण्ड र २१ वर्षको जेल सजाय भइसकेपछि आइतबार नयाँ फाइल खोलेर उनीमाथि थप अनुसन्धान सुरु गरिएको हो।

सन् २००९ मा बंगलादेश राइफल्स (बीडीआर) का उग्र सैनिकहरूले ढाकाबाट सुरु गरेर देशभर फैलिएको दुई दिने विद्रोहको क्रममा ७४ जना वरिष्ठ सैन्य अधिकारीहरू सहित दर्जनौंको हत्या गरेका थिए। यस घटनाका कारण तत्कालीन हसिनाको सरकारले ठूलो आलोचना खेप्नु परेको थियो।

आयोगको रिपोर्ट अनुसार, तत्कालीन अवामी लीग सरकारको नेतृत्वमा शेख हसिनाले नै हत्याहरूको आदेश दिएको दाबी गरिएको छ। आयोगका प्रमुख एएलएम फजलुर रहमानले प्रेस सम्मेलनमा भनेका छन् कि संसदका पूर्व सदस्य फजले नूर तपोश मुख्य समन्वयक थिए र हसिनाको इसारामा हत्याहरू कार्यान्वयन गर्न हरियो झण्डा देखाइएको थियो।

रिपोर्टमा यो पनि दाबी गरिएको छ कि अनुसन्धानमा विदेशी शक्तिसँग मिलेर काम गरिएको र नरसंहारपछि भारतमाथि देश अस्थिर बनाउने प्रयास गरेको आरोप लगाइएको थियो। रहमानले भने, “बंगलादेशको सेनालाई कमजोर पार्न लामो समयदेखि षड्यन्त्र रचिएको थियो।”

बंगलादेशका अन्तरिम प्रमुख मुहम्मद युनुसले आयोगको रिपोर्ट स्वागत गर्दै देश सन् २००९ को हत्याका कारणहरूबारे लामो समय अन्धकारमा रहेको बताए। उनले भने, “आयोगको रिपोर्टमार्फत अन्ततः सत्य बाहिर आएको छ।”
हाल शेख हसिना भारतमा बसिरहेकी छन् र बंगलादेश सरकारले भारत सरकारलाई उनीमाथि आवश्यक कानूनी कदम चाल्न बंगलादेश फिर्ता पठाईदिन पत्राचार गरिरहेको छ।