मधेशका नवनियुक्त मुख्यमन्त्री यादवले भोलि शपथ लिने

काठमाडौँ। मधेश प्रदेशका नवनियुक्त मुख्यमन्त्री कृष्णप्रसाद यादवले आइतबार शपथ ग्रहण गर्ने भएका छन्। बिहान १०ः३० बजे शपथ लिने तयारी भएको प्रदेश प्रमुखको सचिवालयले जानकारी दिएको छ।

यादव सात दलको समर्थनमा शुक्रबार मुख्यमन्त्रीमा नियुक्त हुनुभएको छ। नेकपा एमालेका सरोज यादवले मुख्यमन्त्री पदबाट राजीनामा दिएपछि सात दलबीच भएको लामो छलफलले यादवको नाममा सहमति जुटेको थियो।

सरकारमा लग्ने मन्त्रीका विषयमा छलफल भइरहेको छ। तत्काल सातै दलबाट एकएक मन्त्री नियुक्त हुने कांग्रेसका प्रमुख सचेतक कुमरकान्त झाले जानकारी दिनुभयो।