एनपीएल : चितवनले पोखरालाई दियो १२१ रनको लक्ष्य

काठमाडौं। चितवन राइनोजले पोखरा एभेन्जर्सलाई १२१ रनको सामान्य लक्ष्य दिएको छ। टस जितेर पहिले ब्याटिङमा उत्रिएको चितवनले ६ विकेट गुमाएर १२० रन बनायो।

चितवनका लागि देव खनालले सर्वाधिक ३५ रन बनाए। कप्तान कुशल मल्ल२३, सैज जैव १७, डेबिड मलान ५, अर्जुन साउद र रवि बोपरा समान एक एक रनमा आउट भए। अल्पेश रामजनी ३३ रनमा अविजित रहे।

पोखराका लागि धन्नजय लक्षणले तीन, विपिन खत्री, रोहित चन्द र किरण ठगुन्नाले समान एक एक विकेट लिए।

प्लेअफ दौडबाट बाहिरिसकेका चितवन र पोखराबीच प्रतिष्ठाको लडाइँ मात्रै हुनेछ। दुवै टोलीको छ खेलबाट चार-चार अङ्क मात्रै रहेको छ।