एमालेको पहिलो केन्द्रीय बैठक सम्पन्न, के के गर्यो निर्णय?

काठमाडौं। नेकपा एमालेको नवनिर्वाचित केन्द्रीय कमिटीको बैठक सम्पन्न भएको छ । काठमाडाैंको बबरमहलमा सम्पन्न बैठकले विभिन्न निर्णयहरू पारित गरेको छ, जसमा दोस्रो बैठक २६–२८ पुसमा काठमाडौंमा बस्ने निर्णय गरेको उपमहासचिव लेखराज भट्टले जानकारी दिनुभयो।

उहाँका अनुसार आजको बैठकले यसअघि संशोधन गरिएको विधान सम्पादन र प्रकाशन एक हप्ताभित्र गर्ने निर्णय गरेको छ । ‘यसअघि संशोधन गरिएको विधानलाई उचित सम्पादन र प्रकाशन गर्न जिम्मा दिइएको छ,’ भट्टले भन्नुभयो, `यसका लागि सचिवालयले जिम्मेवारी दिनेछ र एक साताभित्र प्रकाशन भएर आएको विधान मातहत कमिटीमा पुर्‍याउने निर्णय भएको छ ।’

त्यस्तै आजको बैठकले कार्य विभाजनको जिम्मेवारी सचिवालयलाई दिने निर्णय गरेको छ भने केन्द्रीय सल्लाहकार परिषद् गठन गर्ने जिम्मेवारी पनि सचिवालयलाई नै दिइएको छ ।