मधेशको सभामुखका लागि जसपा नेपालका यादवले गराउनुभयो उम्मेदवारी दर्ता

काठमाडौं। मधेश प्रदेशसभाको सभामुख पदका लागि जनता समाजवादी पार्टी (जसपा) नेपालका प्रमुख सचेतक रामआशीष यादवले आज उम्मेदवारी दर्ता गराउनुभएको छ। उहाँले सात दलको समर्थनमा उम्मेदवारी दर्ता गराउनुभएको हो।

उहाँको प्रस्तावकमा नेपाली कांग्रेसका वीरेन्द्र सिंह र समर्थकमा माओवादी केन्द्रका फकिरा महतो रहनुभएको प्रदेशसभाका सचिव वासुप्रसाद कोइरालाले जानकारी दिनुभयो।

यादव धनुषा निर्वाचन क्षेत्र नम्बर २ (ख)बाट प्रदेशसभा सदस्यमा निर्वाचित हुनुहुन्छ।