खल्यो ३ जनाको स्थान हद, खुलेन ओली-लेखकको

काठमाडौं । जेनजी आन्दोलनपछि स्थान हद लागेका  तीन जनाको स्थानहद फुकुवा भएको छ। जेनजी आन्दोलनको छानबिनका लागि गठित जाँचबुझ आयोगले तत्कालीन गृहसचिव गोकर्णमणि दुवाडी, आईजीपी चन्द्रकुवेर खापुङ र काठमाडौंका सीडीओ छविलाल रिजालको स्थानहद फुकुवा गरेको हो ।

आयोगका उपसचिव कमलप्रसाद पाण्डेले पठाएको उक्त पत्रमा उनीहरूको स्थानहद फुकवा गरिएको र विदेश भ्रमण गर्न समेत पाउने बताइएको छ ।

उनीहरूको बयान सकिएकाले स्थानहद फुकुवा गरिएको हो । यसअघि गुप्तचरका तत्कालीन प्रमुख हुतराज थापाको बयान सकिएपछि उनको पनि स्थानहद फुकुवा गरिएको थियो। जाँचबुझ आयोगले उहाँहरू बाहेक तत्कालीन गृहमन्त्री रमेश लेखक र तत्कालीन प्रधानमन्त्री केपी शर्मा ओलीलाई पनि स्थान हद लगाएको छ। उहाँहरूलाई काठमाडौं बाहिर जान अनुमति लिनुपर्ने र विदेश जान नपाउने गरि स्थान हद लगाएको छ।

ओली र लेखकको भने स्थान हद खुलेको छैन। आयोगले बयानका लागि लेखक र ओलीलाई बोलाउने र स्थान हद खोल्ने तयारी गरेको छ।