बालेन भेटेर निस्किदा खुसी मुहारमा रवि, आएन प्रतिक्रिया

बालेन भेटेर निस्किए रवि, दिएनन् प्रतिक्रिया

काठमाडौं : राष्ट्रिय स्वतन्त्र पार्टी (रास्वपा) सभापति रवि लामिछानेले काठमाडौं महानगरका मेयर बालेन साहलाई भेटेर निस्किनुभएको छ।

भेटका बारेमा उनले पत्रकारहरुसँग कुनै जवाफ दिनुभएन।

ललितपुरको कुपण्डोलस्थित मेयर साहका सहयोगी कुमार बेनको घरबाट बालेनलाई भेटेर निस्कँदै गर्दा संचारकर्मीले रविलाई घेरेर प्रश्न गरेका थिए। तर रविले जवाफ दिनुको साटो प्रतिप्रश्न गर्दै भन्नुभयो, `‘मेरो अनुहारले के भन्छ ?’

उहाँहरुबीच केही दिन अघि एक्लाएक्लै लामो छलफल भएको थियो। त्यसैलाई निरन्तरा दिन दुई नेता फेरि छलफलमा जुट्नुभएको हो। उहाँहरुबीच समसामयिक राजनीति र आगामी चुनावका विषयमा छलफल केन्द्रित रहेको लामिछाने निकट एक नेताले बताए।