जेनजी आन्दोलनको छानबिनका लागि सरकारले बनाएको जाँचबझ आयोगविरुद्ध परेको रिट खारेज

काठमाडौं। जाँचबुझ आयोगविरुद्ध दर्ता भएको रिट सर्वोच्च अदालतले खारेज गरिदिएको छ। सर्वोच्च अदालतका न्यायाधीश मनोजकुमार शर्मा, नहकुल सुवेदी र श्रीकान्त पौडेलको इजलासले शुक्रबार रिट खारेज गर्दै निर्देशनात्मक आदेश जारी गरेको हो।

जाँचबुझ आयोगको निष्पक्षता र औचित्यमा प्रश्न उठाउँदै विपिन ढकालले कात्तिक १८ गते रिट दायर गर्नुभएको थियो।

गत भदौ २३ र २४ गतेको जेनजी आन्दोलनमा भएका घटना जाँचबुझका लागि सरकारले पूर्वन्यायाधीश गौरीबहादुर कार्कीको अध्यक्षतामा तीन सदस्यीय आयोग गठन गरेको थियो। सदस्यमा विज्ञानराज शर्मा र विश्वेश्वरप्रसाद भण्डारी हुनुहुन्छ।

अधिवक्ता विपिन ढकालले तीनै जनालाई विपक्षी बनाएर सर्वोच्चमा रिट दर्ता गराउनुभएको थियो।