जाँचबुझ आयोगलाई आज बयान दिँदै रमेश लेखक

काठमाडौँ। पूर्व गृहमन्त्री रमेश लेखकले भदौ २३ र २४ गते भएको घटनाको सम्बन्धमा जाँचबुझ आयोगमा उपस्थित भएर बयान दिने हुनुभएको छ। आयोगले सोधपुछका लागि बोलाएपछि उहाँ सोमबार बिहान ११ बजे आयोगको कार्यालयमा उपस्थित हुन लाग्नुभएको हो।

जेनजी आन्दोलनका क्रममा गत भदौ २३ र २४ गते घटेको विशेष घटनाको छानबिन गरिरहेको आयोगले यसअघि नै लेखकलाई पुस ८ गते बयानका लागि बोलाएको थियो।

सोही प्रक्रियालाई निरन्तरता दिँदै उहाँ सोमबार आयोगको टोलीसमक्ष आफूसँग भएको जानकारी र सो घटनाको वस्तुस्थितिबारे प्रष्ट पार्न जान लागेको उहाँको सचिवालयले पुष्टि गरेको छ।