अशोक राई नेतृत्वको जसपा फुट्यो

काठमाडौँ। अशोक राई नेतृत्वको जनता समाजवादी पार्टी (जसपा)का नेताद्वय प्रदीप यादव र रेणु यादवले पार्टी छाड्नुभएको छ। उपेन्द्र यादव र महन्थ ठाकुरको एकता प्रकृयामा संलग्न हुने भन्दै उनीहरूले जसपा छाडेको जानकारी दिनुभएको हो।

प्रदीपले सामाजिक सञ्जाल फेसबूकमार्फत एकता प्रकृयामा जोडिन लागेको जानकारी दिनुभएको छ।

‘मधेश आन्दोलनको उपलब्धिको रूपमा रहेको संघीयता गणतन्त्रको संरक्षण एवं सम्वर्द्धन तथा मधेश र मधेशी जनताको अधिकार सुनिश्चितताको लागि बदलिँदो राजनैतिक परिवेशमा जनता समाजवादी नेपाल र जनता समाजवादी पार्टीको एकता अपरिहार्य रहेकोले मधेशी जनताको चाहना र जन अपेक्षालाई शिरोधार्य गरी एकता भएको घोषणा गर्दछु,’ उहाँले भन्नुभयो।

आइतबार राति उपेन्द्र नेतृत्वको जसपा र महन्थ नेतृत्वको लोसपाले एकतामा जाने घोषणा र सहमति गर्नुभएको थियो ।