सुनचाँदीको मूल्य बढ्यो

काठमाडौँ। पछिल्ला केही दिनयता सुनचाँदीको मूल्यमा सामान्य गिरावट आएकामा आज दुवैको मूल्य बढेको छ।

आज छापावाल सुन प्रतितोला रु दुई लाख ६२ हजार ५०० र चाँदीको मूल्य रु चार हजार ५२५ कायम भएको नेपाल सुनचाँदी व्यवसायी महासंघले जनाएको छ।

बिहीबार छापावाल सुनको मूल्य प्रतितोला रु दुई लाख ५९ हजार ६०० र चाँदीको मूल्य रू चार हजार ४१५ कायम भएको थियो।

अन्तर्राष्ट्रिय सञ्चारमाध्यमहरूका अनुसार आज अन्तर्राष्ट्रिय बजारमा एक औँस सुन चार हजार ३७२ र त्यति नै चाँदी ७३ अमेरिकी डलरमा खरिदबिक्री भइरहेको छ।