कांग्रेस विशेष महाधिवेशन : आज उम्मेदवारी दर्ता

काठमाडौँ। नेपाली कांग्रेस विशेष महाधिवेशनअन्तर्गत उम्मेदवारी मनोनयन बुधबार हुने भएको छ। निर्वाचन समिति संयोजक सीताराम केसीका अनुसार मनोनयन बिहान ८ देखि ९ बजेसम्मको लागि तोकिएको छ।

नयाँ कार्यसमिति चयनका लागि मंगलबार साँझ उम्मेदवारी दर्ता खुला गरिएको थियो। उम्मेदवारको मनोनयन दर्ताबाहेक बाँकी तालिका बुधबारका लागि सारिएको हो।

कांग्रेसको विशेष महाधिवेशन पुस २७ देखि काठमाडौँको भृकुटीमण्डपमा जारी छ। संस्थापन र विशेष महाधिवेशन पक्षधरबीच वार्ता निष्कर्षमा पुग्न नसकेका कारण विशेष महाधिवेशन लम्बिएको हो।