३.२ प्रतिशतले आर्थिक वृद्धि

काठमाडौं । चालु आर्थिक वर्षको पहिलो त्रैमासमा ३.०२ प्रतिशत आर्थिक वृद्धि भएको छ । राष्ट्रिय तथ्यांक कार्यालयले साउनदेखि असोजसम्मको यो अवधिमा आर्थिक वृद्धिदर सो बराबर रहेको प्रारम्भिक अनुमान गरेको हो ।

यो वर्षको पहिलो त्रैमास देशका लागि सुखद् थिएन । जेनजी आन्दोलनले देश विध्वंश मात्रै भएन, एक सातासम्म देश नै ठप्प हुने अवस्था देखिएको थियो । आन्दोलनका कारण मात्रै झण्डै ८४ खर्ब रुपैयाँ बराबरको भौतिक क्षति पुगेको प्रारम्भिक अनुमान गरिएको छ ।

त्यसबाहेक बाढीपहिरोका कारण समेत यो अवधिमा ठुलो क्षति पुग्यो। सीमावर्ती नाकामा आएको बाढीले चीनसँग जोडिएका रसुवागढी, तातोपानी लगायत नाका प्रभावित हुँदा आयातमा समेत असर गर्‍यो । दसैंको समयमा आएको बाढीपहिरोका कारण कोशी प्रदेशसहित देशभर क्षतिको अवस्था रह्यो ।

यी सबैको बाबजुद आर्थिक वृद्धिमा अघिल्ला दुई वर्षभन्दा सुधार देखिएको छ । आर्थिक वर्ष २०८१/८२ मा २०८०/८१ मा यस्तो वृद्धिदर समान २.९ प्रतिशत रहेको थियो । पछिल्ला तीन त्रैमासमा भएको वृद्धिले समग्र वर्षको आर्थिक वृद्धिमा योगदान गरेको देखिन्छ ।