मंगोलियाको राजधानीमा नयाँ घरको औसत मूल्यमा डिसेम्बर २०२५ मा १०.८ प्रतिशतले वृद्धि

मंगोलियाको राष्ट्रिय तथ्याङ्क कार्यालयले शनिवार सार्वजनिक गरेको विवरणअनुसार डिसेम्बरको अन्त्यसम्ममा मंगोलियाको राजधानीमा नयाँ निर्मित अपार्टमेन्टहरूको औसत मूल्य ५।०३ मिलियन .(५० लाख ३० हजार) मंगोलियाली टुग्रिक (१,४१२ अमेरिकी डलर) प्रति वर्ग मिटर पुगेको छ ।

यो मूल्य गत वर्षको सोही अवधिको तुलनामा १०.८ प्रतिशतले बढी हो । उलान बाटोरमा पुराना (सेकेन्ड ह्यान्ड) अपार्टमेन्टहरूको औसत मूल्य डिसेम्बरमा ५।०६ मिलियन मंगोलियाली टुग्रिक (१,४२० डलर) प्रति वर्ग मिटर कायम भएको छ । जसले गत वर्षको तुलनामा १३.६ प्रतिशतको वृद्धि देखाउँछ । विज्ञहरूकाअनुसार मूल्यमा देखिएको यो उल्लेख्य वृद्धि मुख्यतया प्रतिव्यक्ति घरजग्गाको मागमा भएको बढोत्तरीसँग सम्बन्धित छ । मंगोलिया विश्वकै सबैभन्दा पातलो बस्ती भएको (न्यून जनघनत्व भएको) देश हो ।

यद्यपि मंगोलियामा आवास एक अत्यन्तै जटिल समस्याको रूपमा रहेको छ । विशेष गरी राजधानी शहरमा, जहाँ देशको ३५ लाख कुल जनसंख्याको आधाभन्दा बढी हिस्सा बसोबास गर्दछ । उलान बाटोरका आधाभन्दा बढी बासिन्दाहरू सहरको गेर क्षेत्रमा बस्छन् । जहाँ धाराको पानी, केन्द्रिय तताउने प्रणाली वा ढल निकास जस्ता आधारभूत सुविधाहरूको अभाव छ ।