लुम्बिनी प्रदेश सभाको बैठक माघ १३ गते बस्ने

बुटवल । लुम्बिनी प्रदेश सभाको बैठक माघ १३ गते बस्ने भएको छ ।

लुम्बिनी प्रदेश सभा सचिव दुर्लभ पुन मगरले शनिबार एक सूचना जारी गर्दै प्रदेश सभाको बैठक माघ १३ गते मंगलबार बस्ने उल्लेख गरेका छन् ।

लुम्बिनी प्रदेश सभाको नियमावली २०७९ को नियम १२ को उपनियम ३ बमोजिम उक्त दिन बैठक बस्ने सूचनामा उल्लेख गरिएको छ ।

लुम्बिनी प्रदेशसभाको बैठक लामो समयपछि बस्न थालेको हो । यसअघि सातौँ अधिवेशन मंसिर ८ गते एक दिन मात्रै बसेर स्थगित गरिएको थियो ।