मङ्गोलियाको ९० प्रतिशत भूभाग हिउँले ढाकियो

मङ्गोलियाको करिव ९० प्रतिशत भूभाग ४५ सेन्टिमिटरसम्म बाक्लो हिउँले ढाकिएको त्यहाँको राष्ट्रिय मौसम तथा वातावरणीय अनुगमन निकायले जनाएको छ । मङ्गोलियाका २१ मध्ये कम्तीमा ९ वटा प्रान्तले जुद ९मशगम० भनिने चरम जाडोको सामना गरिरहेका छन् भने अन्य १६ प्रान्तहरू पनि जुद जस्तै अवस्थाको नजिक पुगेका छन् ।

जुद एउटा मङ्गोलियाली शब्द हो, जसले जमिन जमेको वा हिउँले ढाकिएको कारण ठूलो संख्यामा पशुचौपाया मर्ने गरी हुने अत्यधिक चिसो जाडोलाई बुझाउँछ । मङ्गोलिया आफ्नो कठोर महाद्वीपीय जलवायुका लागि परिचित छ । जहाँ लामो समयसम्म कठाङ्ग्रिदो जाडो र छोटो गर्मी हुने गर्दछ ।