अस्पतालमा भीड लागेपछि रविको डिस्चार्ज, घरमै आराम गर्ने

काठमाडौँ। राष्ट्रिय स्वतन्त्र पार्टी (रास्वपा) सभापति रवि लामिछाने आज शिक्षण अस्पतालबाट डिस्चार्ज हुनुभएको छ।

स्वास्थ्य अवस्था सुधार भएपछि उहाँ आज डिस्चार्ज हुनुभएको हो। अस्पतालमा भेटघाट गर्नेको पनि भीड बढ्न थालेकाले घरमै आराम गर्ने भन्दै डिस्चार्ज भएका उहाँको सचिवालयले जनाएको छ।

स्वास्थ्य अवस्था सुधार हुँदै गएको र अस्पतालमा भेटघाट गर्ने मानिसको भीड लागेपछि उहाँले घरमै आराम गर्ने भन्दै डिस्चार्ज माग्नुभएको हो।

उहाँलाई ‘सेलुलाइटिस’ भएपछि जोखिम नहोस् भनेर अस्पतालमा भर्ना गरिएको थियो।

उहाँ जनकपुरमा कार्यक्रमा सहभागि हुने क्रममा माघ ५ गते स्टेजबाट झर्न खोज्दा देब्रे खुट्टामा चोट लागेको थियो।

घाउ निको हुनुको साटो सुन्निँदै गएपछि उहाँ अस्पताल जानुभएको थियो।