घानाका राष्ट्रपतिद्वारा अफ्रिकाभर सुदृढ क्षेत्रीय मूल्य श्रृङ्खला निर्माणमा जोड

घानाका राष्ट्रपति जोन ड्रामानी महामाले उत्पादन र व्यापारमा प्रतिष्पर्धी लाभ हासिल गर्न अफ्रिकी महाद्वीपलाई सुदृढ क्षेत्रीय उत्पादन मूल्य श्रृङ्खलाहरू निर्माण गर्न आग्रह गर्नुभएको छ ।

दुई दिने अफ्रिका व्यापार शिखर सम्मेलनका क्रममा महामाले महाद्वीपले सीमापार प्रतिष्पर्धी उद्योगहरू निर्माण गर्ने समय आएको बताउनु भयो । जहाँ कच्चा पदार्थ, मध्यवर्ती वस्तु र अन्तिम उत्पादनहरू क्षेत्रहरूभित्र सहज रूपमा आवागमन हुन सकोस् ।

उहाँका अनुसार अफ्रिकी महादेशीय स्वतन्त्र व्यापार क्षेत्रमार्फत १।३ अर्बभन्दा बढी मानिसहरूको एकल बजारको सिर्जनाले महाद्वीपलाई एक सक्षम उत्पादन र लगानी गन्तव्यमा रूपान्तरण गर्न आवश्यक दायरा प्रदान गर्दछ ।

उहाँले अफ्रिकी सरकारहरूलाई नेतृत्व र स्थिरता प्रदान गर्न, निजी क्षेत्रलाई लगानी र नवाचार गर्न, वित्तीय संस्थाहरूलाई दीर्घकालीन वित्तीय समाधानहरू डिजाइन गर्न र विकास साझेदारहरूलाई अफ्रिकाका प्राथमिकताहरूसँग तालमेल मिलाउन आह्वान गर्नुभयो। जबकि प्यान–अफ्रिकी संस्थाहरूले समन्वय गर्ने र एकीकरणका बाधाहरू हटाउनेछन् ।