ट्रम्पद्वारा इरानलाई सम्झौताका लागि गोप्य समयसीमाको सङ्केत, अमेरिकाद्वारा सैन्य दबाब वृद्धि

अमेरिकी राष्ट्रपति डोनल्ड ट्रम्पले ह्वाइट हाउसले इरानसँग सम्झौता गर्नका लागि गोप्य रूपमा समयसीमा (डेडलाइन) तोकेको सङ्केत गर्नुभएको छ। उहाँले सार्वजनिक रूपमा भने सो समयबारे खुलाउन अस्वीकार गर्नुभयो।

ह्वाइट हाउसमा पत्रकारहरूले इरानलाई कुनै समयसीमा दिइएको छ कि भनेर सोधेको प्रश्नमा ट्रम्पले यो कुरा उनीहरूलाई मात्र पक्का थाहा भन्ने जवाफ दिनुभयो।

मध्यपूर्व क्षेत्रमा अमेरिकी सैन्य उपस्थिति कम गर्ने सम्बन्धमा पेन्टागनसँग कुनै समयतालिका छ कि भन्ने प्रश्नमा ट्रम्पले आफूहरुले हेर्ने बताउनुभयो। ट्रम्पको यो पछिल्लो टिप्पणी वाशिङ्गटनले इरानमाथि सैन्य दबाब बढाइरहेका बेला आएको हो। जहाँ डिसेम्बर २०२५ को अन्त्यदेखि देशव्यापी अशान्ति फैलिएको छ।

इरानी राष्ट्रपति मसूद पेजेस्कियानले तेहरानले विवाद समाधानका लागि सधैं संवाद र सहकार्यको बाटो अपनाएको र आफूहरू युद्ध नचाहेको बताउनुभयो। उहाँले पश्चिमी देशहरूको आलोचना गर्दै उनीहरूको कामले कूटनीति र अन्तर्राष्ट्रिय कानुनप्रति व्यवहारिक प्रतिवद्धताको कमी देखाएको बताउनुभयो।