सर्वोच्चले प्रतिनिधि सभा पुनःस्थापना सम्बन्धि मुद्दाको छिट्टै फैसला गर्नुपर्छः पूर्वमुख्यसचिव अर्याल

काठमाडौँ। पूर्वमुख्यसचिव एकनारायण अर्यालले प्रतिनिधिसभा पुनःस्थापना सम्बन्धि मुद्दा चाँडो फैसला गर्न सर्वोच्च अदालतको ध्यानाकर्षण गराउनुभएको छ । तोकिएको मितिमा निर्वाचन हुने कुरामा त्यसले पनि आशंका बढाएकाले सर्वोच्चले सो सम्बन्धि मुद्दा छिटो किनारा लगाउनुपर्ने उहाँको तर्क थियो ।

मंगलवार नेपाल कानून समाजले काठमाडौंमा आयोजना गरेको एक कार्यक्रममा बोल्दै पूर्वमुख्यसचिव अर्यालले राज्यका अंगहरुले आफ्नो जिम्मेवारी समयमा पूरा नगर्दा पनि मुलुकमा विभिन्न खालको समस्याहरु आउने गरेको तथ्य पनि स्मरण गराउनु भयो ।

उहाँले भन्नुभयो,‘चुनाव तोकिएकै समयमा गर्नुपर्छ । तर यसो भनिरहँदा सुप्रिम कोर्टमा जुन कुराहरु छ, त्यो पनि समयमै टुंग्याईदिएको राम्रो । किनभने निर्वाचनको कार्यक्रम अघि बढी सक्यो । त्यो त भनिदिएर टुंंग्याइ दिई भइगयो नि । हामीले त्यस्ता निर्णय धेरै गरिसकेका छौ । किन डाउट गर्नलाई राख्ने । राज्यका अंगहरुले पर्पर फङशन नगर्दाखेरी विभिन्न समयमा विभिन्न समस्याहरु आएको छ । त्यो गभर्नेन्समा देखिएको विषय हो । यो कुराहरु आउनु प¥यो ।’

पूर्वमुख्यसचिव अर्यालले निर्वाचनको मिति सार्ने नभई तोकिएको मितिमा नै सबै क्षेत्रको निर्वाचन गराउनुपर्नेमा जोड दिनुभयो । –न्युज एजेन्सी नेपाल