इरानको राजधानीमा आगलागी

इरानको सरकारी समाचार एजेन्सी इर्नाका अनुसार मंगलवार राजधानी तेहरानको एक बजारमा भीषण आगलागी भएको छ । तेहरान वारुण यन्त्र विभागका प्रवक्ता जलाल मालेकीलाई उद्धृत गर्दै इर्नाले जनाएअनुसार पश्चिमी तेहरानको जन्नत आवाद क्षेत्रमा आगलागी भएको थियो ।

खबर प्राप्त हुनासाथ पाँचवटा वारुण यन्त्र केन्द्रबाट अग्निनियन्त्रकहरू घटनास्थलमा पुगेका थिए । मालेकीकाअनुसार आगलागीको कारणबारे अनुसन्धान भइरहेको छ ।

करिव २ हजार वर्ग मिटर क्षेत्रफलमा फैलिएको एउटा टहराबाट आगो शुरु भएको थियो । तेहरानको आपतकालीन चिकित्सा सेवा संगठनका प्रवक्ता शेर्विन ताब्रिजीले घाइतेहरूलाई अस्पताल लैजान चारवटा एम्बुलेन्स र एउटा एम्बुलेन्स बस परिचालन गरिएको जानकारी दिनुभयो ।