बालेनको झापा कार्यालयमा कसले हान्यो ढुंगा?

काठमाडौँ। झापा ५ स्थित राष्ट्रिय स्वतन्त्र पार्टी (रास्वपा) को कमल गाउँपालिका सम्पर्क कार्यालय राखिएको घरमा गयराति ढुंगा हानिएको छ ।

कमल गाउँपालिका २ स्थित जयप्रकाश अधिकारीको घरमा कार्यालय राखिएको थियो । राति ढुंगा हानेर उहाँको घरको झ्यालको सिसा फुटेको प्रहरीले जनाएको छ । रास्वपाको सम्पर्क कार्यालय माथिल्लो तलामा खोलिएको छ । ढुंगाले घरबेटी बस्ने कोठाको सिसा फुटेको झापा प्रहरीले जनाएको छ ।

झापाका सीडीओ शिवराज गेलालले सम्पर्क कार्यालय भएको कोठामा भने केही नभएको बताउनुभयो।