थाइल्याण्डको आम निर्वाचन अघि मतदाता तान्न राजनीतिक दलहरूको अन्तिम प्रचार अभियान

थाइल्याण्डका प्रमुख राजनीतिक दलहरूले आम निर्वाचन अघि मतदाताहरूलाई आकर्षित गर्ने अन्तिम प्रयास स्वरूप शुक्रवार अन्तिम चुनावी प्रचार ¥यालीहरू आयोजना गरिएका छन् । शुक्रवार थाइल्याण्डको राजधानी बैंकक सुन्तला, नीलो र रातो रंगका भीडले भरिएको थियो । सप्ताहान्तको चुनावी जितमा आँखा गाडेका प्रमुख दलहरूले आफ्ना समर्थक र अनिर्णित मतदाताहरूलाई अन्तिम आग्रह गरेका छन् ।

भूमिजाइथाई पार्टी, फेउ थाई पार्टी, पिपुल्स पार्टी र डेमोक्र्याट पार्टीले बैंककभर ठूला–ठूला चुनावी प्रचार ¥यालीहरू आयोजना गरे । जहाँ पार्टी नेताहरू र प्रधानमन्त्रीका उम्मेदवारहरूले आइतबार मतदान केन्द्रहरूमा जानुअघि आफ्ना आ–आफ्ना प्रतिज्ञाहरू दोहो¥याए । रूढीवादी भूमिजाइथाई पार्टीका नेता, प्रधानमन्त्री अनुतिन चर्नविराकुलले आफ्नो ४० मिनेटको भाषणमा विगत चार महिनादेखि अन्तरिम कार्यवाहक प्रधानमन्त्रीको रूपमा सेवा गरेको र अब पूर्ण चार वर्षको कार्यकालका लागि सरकारको नेतृत्व गर्न तयार रहेको बताउनुभयो ।

फेउ थाई पार्टीले आवास कार्यक्रम, गरिबी निवारणका उपायहरू र आर्थिक प्रोत्साहन पहलहरू सहितका प्रमुख नीतिहरूलाई उजागर गर्न अन्तिम ¥यालीको प्रयोग ग¥यो । नत्थापोङ रुएङपान्यावोटको नेतृत्वमा, पिपुल्स पार्टीले एक युवा केन्द्रमा आफ्नो अन्तिम ठूलो ¥याली आयोजना ग¥यो । तीन वर्षभन्दा कम समयमा तीनजना प्रधानमन्त्रीहरू परिवर्तन गरेपछि, थाई मतदाताहरू फेब्रुअरी ८ मा मतदान केन्द्रहरूमा जाँदैछन् ।