बानेश्वरमा नेपाली स्वादको तुफानी पीजा

काठमाडौं। नेपाली स्वादसहित बानेश्वरमा तुफानी पीजा रेष्टुरेन्ट सञ्चालनमा आउने भएको छ। लामो समयदेखि रेष्टुरेन्ट क्षेत्र तथा व्यवासयिक क्षेत्रमा कार्यरत युवाहरुले माघ २८ गते बुधबारदेखि बानेश्वरको के एण्ड के एण्ड इन्टरनेशनल कलेजसँगै तुफानी पीजा सञ्चालमा ल्याउन लाग्नुभएको हो।

तुफानी पीजामा नेपाली स्वादको पीजासहित वर्गर, तुफानी फ्राइड चिकेन (TFC), तुफानी र्‍याप, एक्प्रेशो बेसका अर्गानिक कफी र विभिन्न फ्रेस जुसहरु पाइने सञ्चालक माधवकुमार नेपालले जानकारी दिनुभयो।

तुफानी पीजाले आगामी दिनमा चेन मोडलमा काठमाडौं उपत्यका र मोफसलमा समेत शाखाहरु बिस्तार गर्ने योजना बनाएको छ। बानेश्वर रेष्टुरेन्टमा सेन्टल किचन रहने र अन्य ठाउँमा पनि तुफानी स्वादका परिकारहरु पाइने उहाँले बताउनुभयो।

एभरेष्ट होटलको पार्किङ साइडको छक्कुबक्कु मार्गमा रहेको रेष्टुरेन्ट करिब ५० लाख लगानीमा सञ्चालनमा ल्याइएको हो।
‘हाम्रो टिममा नेपाली स्वादको फुड स्पेशलिष्ट, सर्भिस सेक्टरमा लामो समय काम गरेको र फाइनान्स क्षेत्रमा काम गरेका अनुभवी साथी छौं,’ नेपालले भन्नुभयो।

चार्टर्ड एकाउण्टेन्ट समेत रहनुभएका पर्वतका टिका कार्की, नुवाकोटका माधव नेपाल र काभ्रे मनमोहन रिमालले संयुक्त लगानीमा रेष्टुरेन्ट खोलिएको हो।

विभिन्न क्षेत्रमा लगानी गर्नुभएका कार्कीले रेष्टुरेन्टमार्फत पनि सेवा गर्ने योजना बनाउनुभएको हो। ‘हाम्रो धेरै क्षेत्रमा लगानी छ। देशमै लगानीको सम्भावना छ भन्ने भएर पनि रेष्टुरेन्टमा सोच गरेको हो।‘ उहाँले भन्नुभयो,’बानेश्वर क्षेत्रमा यो किसिमको स्वादको पीजा नपाइने भएकाले पनि यही क्षेत्र रोजेका हौं,’ कार्कीले भन्नुभयो।
चार्टर्ड एकाउण्टेन्ट समेत रहनुभएका कार्कीले यो रेष्टुरेन्टमा प्रिमियर आइटहरु सस्तो मुल्यमा पाइने जानकारी दिनुभयो ।

‘वानेश्वरमा धेरै कर्पोरेट अफिस, कन्सल्टेन्सी र कलेजहरु छन्,’ उहाँले भन्नुभयो, ‘हामीले विद्यार्थी र अफिसहरुमा काम गर्ने कर्माचारीलाई केन्द्रित गरेर रेष्टुरेन्ट खोलेका हौं। तुफानी पीजाका परिकारहरु अनलाइनमार्फत फुडमाण्डु, पठाओ र आफ्नै वेवसाइ, सोसल मिडियाबाट पनि अर्डर गर्न सकिने कार्कीले जानकारी दिनुभयो।

त्यसो त लगानीकर्ता रहनुभएका नेपाल लामो समयदेखि रेष्टुरेन्टमा काम गर्नुभएको छ। उहाँले २०६९ मा संगम खाजाघरबाट काम थाल्नुभएका उहाँ होटल भ्यु पोइन्ट, रेड डाइमन्ड र बर्गर हाउस, स्याङ्को कट्टिरोल समेत चलाएको अनुभव छ।

उहाँहरुकै टिमले काठमाडौँका विभिन्न १३ स्थानमा स्याङ्को कट्टिरोल फ्रेन्चाइज आउटलेटहरू समेत सञ्चालन गर्दै आउनुभएको छ।